لو بطلنا نندم نموت

لو بطلنا نندم نموت

كنت بفكر ليه مش قادر اندم ,

ليه كل قرار باتخذه فى حياتي ببرره

ليه مش قادر اقف عند كل خطأ ( تقريباً دي أول مره اعترف ) فى حياتي

واقول فعلاً غلطت

ليه مش بحس بالندم

ودورت

وفكرت

ايه قناعاتي الشخصيه فى اني مندمش

1- ان الناس هتتشفى فيا ( تسمع كلمات زي انا قولتلك من الاول - انا كنت عارف انك غلطان - مسمعتش كلامي )

دا غير ( تستاهل اللى جرالك - وادي جزاة اللى ميسمعش كلمه ماما تقولها )

2- احساسى بالخطأ واقراري بيه جزء من احساسى بالفشل اللى ممكن يوصلني للاحباط , علشان ميأسش من حياتي

3- جزء كبير منها فى نظرة المجتمع للمخطيء بتجعله يتجاهل المجتمع ,ويتجاهل احساسه بالندم بالعند والتحدي

4- احساسك ان الخطأ مش فيك ولا منك , الخطأ من وفكل شيء حواليك

5-الندم ممكن يخليني مقدرش احكم , ولا ادي أمور فشلت فيها فرصه تانيه

-------------

عرفنا ليه مبندمش

طب ليه اندم

فضلت ادور

عن سبب او فايده او اهميه للندم

وجدت فى عقيدتنا الاسلاميه

ان الندم هو أقوي وسيله لتغيير نظام حياتي

لو عايز تبقى مسلم

لو عايز تتوب

عايز ترجع لربنا

اندم

----

الندم هو وقفة مع النفس تعرف بيها

تحدد فيها وجهه نظر للمستقبل بعيداً عن الخطأ

---

كلماتي

اجعل أخطاءك أمام عينك دائماً وفي قرارة نفسك

أنظر أليها بعين الألم لا بعين الرأفه

فلا أحد سيفعل ذلك غيرك

أحفظ العهد على نفسك ألا تكرر أخطاءك

ولو كنت غير نادم

أخيراً

لا تسمح للندم بأخذ أكثر من واجب الضيافه

والا ستعلن ندمك مجبراً على استيطانة لذاتك